பத்திரிக்கை கவுன்சிலின் தலைவராக நியமிக்கப் பட்டுள்ள ஓய்வு பெற்ற உச்ச நீதிமன்ற நீதிபதி, மார்கண்டேய கட்ஜு கடந்த வாரம், பத்திரிக்கையாளர்களோடு சந்திப்பு நடத்தி அதில் உரையாற்றினார். அவரது இந்த உரை, ஒவ்வொரு பத்திரிக்கையாளரும் படிக்க வேண்டியது. முக்கியத்துவம் கருதி, மொழிபெயர்த்து வெளியிடப் படுகிறது. நண்பர்களே, என்னுடைய அழைப்பை ஏற்று இங்கே வருகை தந்ததற்கு நன்றி தெரிவித்துக் கொள்கிறேன். நான் சமீபத்தில் தான் பத்திரிக்கை கவுன்சிலின் தலைவராக பொறுப்பேற்றேன். இதற்கு முன்பு 40 வருடங்கள் சட்ட உலகத்தில், 20 வருடங்கள் வழக்கறிஞராகவும், 20 வருடங்கள் நீதிபதியாகவும் இருந்தேன். தற்போது நான் உங்கள் உலகத்திற்குள் வந்துள்ளதால் என்னடைய பணியை சிறப்பாக செய்யும் பொருட்டு, உங்கள் ஆலோசனை, வழிகாட்டுதல் மற்றும் அறிவுரையை எதிர்ப்பார்க்கிறேன். இந்தக் கூட்டத்தை நான் ஏற்பாடு செய்ததற்கான காரணம், நம் நாட்டில் ஊடகத்துறை சுயபரிசோதனை செய்து கொள்ள வேண்டிய காலம் நெருங்கி விட்டதாக கருதுகிறேன். அதிகார மையங்களில் இருப்பவர்கள் மட்டுமல்லாமல், சாதாரண மக்கள் கூட ஊடகங்கள் பொறுப்பற்ற முறையில் நடந்து கொள்வதாகவும், அதற்கு கடிவாளம் ப
சிறுபான்மையினர் மேம்பாட்டுக்காக, அவர்களின் நிலை, பிரச்னைகளை ஆய்வு செய்து அறிக்கை சமர்ப்பிக்க அமைக்கப்பட்ட நீதிபதி சச்சார் கமிட்டி, 110 பரிந்துரைகளை மத்திய அரசிடம் அறிக்கையாகச் சமர்ப்பித்தது. இதில் ஒரே ஒரு பரிந்துரைதான் முழுமையாகச் செயல்படுத்தப்பட்டுள்ளது.இப்போது மீண்டும் சிறுபான்மையினரின் மேம்பாட்டைக் கருத்தில் கொண்டு, சச்சார் கமிட்டி, நீதிபதி ரங்கநாத் மிஸ்ரா கமிட்டி ஆகிய 2 கமிட்டிகளும் அளித்த பரிந்துரைகளிலிருந்து, 15 பரிந்துரைகள் அடங்கிய திட்டத்தை மத்திய அரசு கொண்டு வந்துள்ளது.இந்தத் திட்டத்தை முழுமையாக அமல்படுத்தி, சிறுபான்மையினர் நலன் பாதுகாக்கப்படும் வகையில் தேசிய சிறுபான்மையினர் கமிஷன் மாற்றியமைக்கப்பட உள்ளது. அதாவது, இந்த திட்டங்கள் முழுமையாகச் செயல்படுத்தப்படுகின்றனவா என்பதைக் கண்காணிப்பதற்காக, தனி சட்டப் பிரிவு உருவாக்கப்பட உள்ளது என்று அதன் தலைவர் வஜாஹத் ஹபிபுல்லா சென்னையில் உள்ள நீதிபதி பஷீர் அகமது சையது பெண்கள் கல்லூரியில் சனிக்கிழமை நடைபெற்ற "தேசிய சிறுபான்மையினர் கமிஷன் மற்றும் பெண்கள் கல்விக்கு கமிஷன் எடுத்து வரும் முயற்சிகள்' என்ற தலைப்பிலான கருத்தரங்கில் பேசினார்.
கருத்துகள்